Latine Loquor - Liber Quārtus - Colloquium Quīnquāgēsimum Prīmum
Praeceptor ā puerō patris nōmine salūtātus: et ubi parentēs sint, quīque valeant, percontātus, vicissim patrī salūtem nūntiat.
Persōnae:
Vincentius, Praeceptor.
Vincentius, Praeceptor.
Vincentius
Pater meus tibi salūtem plūrimam dīcit.
Praeceptor
Ain' tū, quandō rūre rediit?
Vincentius
Herī tantum.
Praeceptor
Ut valet?
Vincentius
Optimē.
Praeceptor
Māter vērō ubi est?
Vincentius
Adhūc est in Galliā.
Praeceptor
Ubi in Galliā?
Vincentius
Aurēliāe.
Praeceptor
Dē illā quid audītis?
Vincentius
Esse bonā valētūdine praeditam, Deī beneficiō.
Praeceptor
Dominus Deus cōnservet eam.
Vincentius
Ita precor.
Praeceptor
Dīc vicissim patrī salūtem plūrimam verbīs meīs.
Vincentius
Faciam sēdulō.
Ēlocūtiō
- Dīcere alicui salūtem plūrimam.
- Redīre rūre ... habitāre rūrī ... īre rūs.
- Esse bonā valētūdine praeditum.
- Praeditus bonō ingeniō ... auctōritāte ... altā mente.
- Dīc vicissim patrī salūtem plūrimam verbīs meīs.
- Nūntiā vicissim patrī salūtem.