Latine Loquor - Liber Quārtus - Colloquium Quīnquāgēsimum
Praeceptor, ex Valeriō cognitā frātris eius valētūdine, iubet domum ut eum Valerius dēdūcat.
Persōnae:
Praeceptor, Valerius.
Praeceptor, Valerius.
Praeceptor
Heus, Valerī!
Valerius
Hem, praeceptor.
Praeceptor
Quid flēt frāter tuus?
Valerius
Aegrōtat.
Praeceptor
Quī scīs?
Valerius
Satis appāret.
Praeceptor
Quō signō?
Valerius
Quia vomuit.
Praeceptor
Quid illī dolet?
Valerius
Caput et stomachus, ut dīcit.
Praeceptor
Cūr nōn recipit sē domum?
Valerius
Ausus nōn est.
Praeceptor
Tū vērō nōn audēbās mē admonēre? Age dūc illum tū ipse domum, et mātrī narrā dīligenter, ut ille sē habeat. Properā, quid cessās? Dūc eum lentō gradū.
Valerius
Dūcam, praeceptor.
Ēlocūtiō
- Frāter meus flēt, plōrat, lacrimat, ēmittit lacrimās.
- Quī scīs Christophorum aegrōtāre?
- Vomere post cēnam ... vomere in cōnspectū alicuius.
- Vomitum sistere, inhibēre.
- Caput mihi dolet.
- Recipere sē domum.
- Dūcam sorōrem tuam Catharīnam domum.
- Dūcere uxōrem.
- Narrā mātrī, quōmodō soror sē habeat.
- Properā, quid cessās, cessātor? Dūc eum lentō gradū.