Latine Loquor - Liber Quārtus - Colloquium Quadrāgēsimum Septimum
Excūsat sē quīdam, quod incōnsultō praeceptōre prōdierit: cuius reī testēs prōdūcit.
Persōnae:
Theobaldus, Praeceptor.
Theobaldus, Praeceptor.
Theobaldus
Praeceptor, placetne audīre excūsātiōnem meam?
Praeceptor
Quandō āfuistī?
Theobaldus
Hesternō diē.
Praeceptor
Quotā hōrā?
Theobaldus
Prīmā.
Praeceptor
Quae fuit causa?
Theobaldus
Arcessītus fuī.
Praeceptor
Ā quō?
Theobaldus
Ā patre.
Praeceptor
Quis tibi nūntiāvit?
Theobaldus
Famulus noster.
Praeceptor
Cūr mē nōn adīstī?
Theobaldus
Quia dīcēbat ille sē urgērī festīnātiōne.
Praeceptor
Suntne tibi testēs?
Theobaldus
Adsunt, praeceptor.
Praeceptor
Abī, sede in locō tuō: ego interim eōs interrogābō.
Ēlocūtiō
- Arcessī ab aliquō.
- Urgērī festīnātiōne.
- Sunt mihi trēs testēs ... trēs sunt mihi testimōniō.