Latine Loquor - Liber Quārtus - Colloquium Quadrāgēsimum Secundum
Quīdam prōdīre volentēs obiūrgāntur, et in posterum diem reiciuntur.
Persōnae:
Robertus, Praeceptor.
Robertus, Praeceptor.
Robertus
Praeceptor, licetne nōbīs īre ad tōnsōrem?
Praeceptor
Quid eō?
Robertus
Ut capillum tondēmus.
Praeceptor
Libenter cotīdiē exīretis sexiēs: quīn exspectāte in crāstinum diem, ut eātis ūnā cum cēterīs.
Robertus
Atquī propter mercātum turba erit in tōnstrīnā.
Praeceptor
Quid tum, satis habēbitis ōtiī ad exspectandum: Recipite vōs ad studium.
Robertus
Ut libet, praeceptor.
Ēlocūtiō
- Tondēre capillōs ... bonī pāstōris est tondēre pecus, sed nōn dēglubere.
- Turba est in tōnstrīnā propter mercātum.
- Satis ōtiī habēs ad studendum.
- Datur tibi satis spatiī ad excolenda studia.
- Recipite vōs ad studium ... in mūsēum.