Latine Loquor - Liber Quārtus - Colloquium Quadrāgēsimum
Robertus multōrum nōmine veniam petit prōdeundī ad mercātum.
Persōnae:
Robertus, Praeceptor.
Robertus, Praeceptor.
Robertus
Praeceptor, licet nōbīs prōdīre?
Praeceptor
Estisne multī quī prōdīre vultis?
Robertus
Omnēs ferē.
Praeceptor
Quid hōc sibi vult?
Robertus
Est hodiē mercātus, inde fit, ut ferē sibi quisque velit aliquid emere.
Praeceptor
Nunc ego sum occupātior, quam ut singulōrum prōdeundī causam possim cognōscere: adīte igitur repetītōrem, quī cognōscat et, sī vacat, vōs dēdūcat ipse.
Robertus
Grātiās agimus, praeceptor hūmānissimē.
Ēlocūtiō
- Emere sibi rēs multās.
- Quae tibi est causa prōdeundī?
- Praeceptor nunc est occupātior, quam ut singulōrum prōdeundī causam cognōscere possit.
- Nōn vacāvit mihi tē dūcere domum.