Latine Loquor - Liber Quārtus - Colloquium Trīcēsimum Secundum
Mīchael ad forum ītūrus paucīs interrogātur ā praeceptōre.
Persōnae:
Mīchael, Praeceptor.
Mīchael, Praeceptor.
Mīchael
Praeceptor, licetne mihi prōdīre?
Praeceptor
Quae tibi est prōdeundī causa?
Mīchael
Est mihi eundum ad forum.
Praeceptor
Quid eō?
Mīchael
Ut emam corium.
Praeceptor
In quem ūsum?
Mīchael
Ad calceōrum soleās.
Praeceptor
Quis tē adiuvābit in emptiōne?
Mīchael
Quīdam oppidānus, cui hōc mandāvit pater meus.
Praeceptor
Dēbuistī adīre mē cum cēterīs, quī ad forum prōdiērunt.
Mīchael
Occupātus eram.
Praeceptor
Quā in rē?
Mīchael
In scrībendīs ad patrem litterīs.
Praeceptor
Quandō eās dabis?
Mīchael
Hodiē, sī quem in forō nostrātem offenderō.
Praeceptor
Abī, et mementō ad hōram sōlitam adesse.
Mīchael
Faciam.
Ēlocūtiō
- Eundum est mihi in forum ... oportet mē īre in forum.
- Emere corium ad soleās calceōrum.
- Iuvā mē in emptiōne coriī.
- Offendere aliquem.
- Adesse ad hōram sōlitam.