Latine Loquor - Liber Quārtus - Colloquium Duodētrīcēsimum
Ītūrus ad patrem in caupōnam.
Persōnae:
Leōnārdus, Praeceptor.
Leōnārdus, Praeceptor.
Leōnārdus
Praeceptor, arcessor ā patre.
Praeceptor
Ubi is est?
Leōnārdus
In dēversōriō.
Praeceptor
Quandō vēnit?
Leōnārdus
Advēnit modo.
Praeceptor
Quis tibi tam citō nūntiāvit?
Leōnārdus
Mīsit ad mē famulum.
Praeceptor
Ubi est?
Leōnārdus
Prae foribus mē exspectat.
Praeceptor
Cūr eum nōn intrōmīsistī?
Leōnārdus
Nōluit intrāre.
Praeceptor
Quid ita?
Leōnārdus
Quia, ut ait, festīnātiōne urgētur.
Praeceptor
Vocā illum, ut paucīs conveniam, deinde abī: sed cūrā quam prīmum hūc adsīs.
Leōnārdus
Eō vocātum.
Ēlocūtiō
- Arcessere aliquem ... arcessere sibi malum.
- Nūntiāre alicui aliquid.
- Frāter exspectat mē prae foribus.
- Intrōmittere aliquem in aedēs.
- Festīnātiōne urgētur ... urgētur angustiīs ... urgere iūs suum.
- Convenīre aliquem.
- Convenīre aliquem paucīs.
- Cūrā, quam prīmum hūc adsīs.