Latine Loquor - Liber Quārtus - Colloquium Vīcēsimum Sextum
Fīlius in vīllam ā patre ablēgandus veniam petit et testimōnium sē allātūrum prōmittit.
Persōnae:
Iōsēphus, Praeceptor.
Iōsēphus, Praeceptor.
Iōsēphus
Praeceptor.
Praeceptor
Quid vīs?
Iōsēphus
Licetne mihi īre domum?
Praeceptor
Cūr ante hōram?
Iōsēphus
Pater iussit, ut nunc abīrem.
Praeceptor
Quid eget operā tuā?
Iōsēphus
Vult mē in vīllam mittere.
Praeceptor
Quid eō?
Iōsēphus
Petītum ūvās, et eādem operā nūntiātum aliquid vīlicō nostrō.
Praeceptor
Quid sī mē fallis?
Iōsēphus
Afferam testimōnium, ut soleō.
Praeceptor
Quandō redībis?
Iōsēphus
Hōrā prīmā, ut spērō.
Praeceptor
Quī tam citō?
Iōsēphus
Vīlla nostra nōn longē hinc est.
Praeceptor
Ītō sānē.
Ēlocūtiō
- Pater iussit, ut exīrem, iussit mē exīre domō.
- Egēre operā alicuius.
- Petere ūvās.
- Operā eādem nūntiābis vīlicō meō, ut afferat mihi ūvās.
- Vīlla nostra nōn longē hinc est ... nōn procul hinc distat.