Latine Loquor - Liber Quārtus - Colloquium Vīcēsimum Quīntum
Duo frātrēs, iturī domum, monentur ā praeceptōre dē testimōniō afferendō, aut teste addūcendō.
Persōnae:
Iōsēphus, Praeceptor.
Iōsēphus, Praeceptor.
Iōsēphus
Licetne mihi exīre ūnā cum frātre?
Praeceptor
Quid causae est?
Iōsēphus
Ut māter emat nōbīs calceōs: deinde ut tōnsōrem adeāmus.
Praeceptor
Quid eō?
Iōsēphus
Resectum capillōs.
Praeceptor
Quid nunc opus est?
Iōsēphus
Ut crās, sī Dominus permīserit, invīsāmus patruum.
Praeceptor
Īte et mātūrē redīte ad studium. Sed heus, puerī, afferte mihi ā mātre testimōnium in crāstinum diem, aut testem addūcite.
Iōsēphus
Deō iuvante, id cūrābō dīligenter. Quid vīs, praeceptor?
Praeceptor
Ut meīs verbīs mātrem officiōsē salūtētis.
Ēlocūtiō
- Quid causae est, quod totiēs cum frātre exeās?
- Māter emit mihi pār calceōrum apud sūtōrem.
- Resecāre capillōs.
- Nōn opus est, ut capillī vōbīs resecentur.
- Redīre ad studium.
- Addūcere, dare testēs.
- Testārī, esse testimōniō, testimōnium dare.
- Deum testor, Deus mihi testis est, Deum habeō mihi testem.
- Salūtā mātrem tuam meīs verbīs officiōsē.
- Dīc mātrī salūtem meō nōmine.
- Testis levis, idōneus.
- Testis idōneus et locuplēs; testis gravis, incorruptus atque integer.