Latine Loquor - Liber Quārtus - Colloquium Vīcēsimum Quārtum
Ā praeceptōre chartam petēns discipulus ad eius famulum mittitur.
Persōnae:
Iacōbus, Praeceptor.
Iacōbus, Praeceptor.
Iacōbus
Praeceptor, nōn est mihi charta ad scrībendum: vīsne dare cōdicem?
Praeceptor
Quem in ūsum?
Iacōbus
Partim ad colloquia, partim ad exemplāria.
Praeceptor
Rettulīstī in cōdicem tuum?
Iacōbus
Rettulī.
Praeceptor
Ostende.
Iacōbus
Ecce tibi, praeceptor.
Praeceptor
Quid hōc rettulīstī duodēvīgintī: vīs ergō dē māiōre?
Iacōbus
Sī tibi placet.
Praeceptor
Pete ā famulō: ac nē dubitet, ostende illī tuum cōdicem, ut īdem in suum referat.
Iacōbus
Audiō.
Praeceptor
Audī item, cavē abūtāris chartā: nē tibi pater graviter suscēnseat.
Iacōbus
Faciat Deus, ut bene ūtar.
Ēlocūtiō
- Nōn est Frīderīcō charta ad scrībendum.
- Quem in ūsum petis cōdicem chartae? Ad scrībendum ...
- Referre in cōdicem duodēvīgintī nummōs.
- Nōlī dubitāre, quīn sīs acceptūrus nummōs ē patriā.
- Cavē abūtāris pennā, cum pennam chartae fīrmius imprimis.
- Suscēnsēre alicui ... īrāscī alicui.