Latine Loquor - Liber Quārtus - Colloquium Ūndecimum
Tūtōris dīligentia in ēligendā ā discipulīs ōrātiōne. Bene sibi cōnscius sēcūrō est animō.
Persōnae:
Tūtor, Dēsidērius.
Tūtor, Dēsidērius.
Tūtor
Unde venīs, Dēsiderī?
Dēsidērius
Domō.
Tūtor
Quid affers illinc?
Dēsidērius
Merendam.
Tūtor
Quis tibi permīserat exīre?
Dēsidērius
Praeceptor ipse.
Tūtor
Unde hōc probābis?
Dēsidērius
Adeāmus illum, ut cōnsulāmus.
Tūtor
At vidē, quid agās!
Dēsidērius
Hāc in rē nihil timeō.
Tūtor
Adeōne sēcūrus es?
Dēsidērius
Quī vērum dīcit, nihil timēre dēbet.
Tūtor
Vēra quidem ista est sententia, sed quōtusquisque nōn mentītur?
Dēsidērius
Certus sum mē nihil mentīrī nunc.
Tūtor
Propemodum persuādēs mihi.
Dēsidērius
Abī, crēdō tibi: quia in mendāciō numquam tē dēprehendī.
Dēsidērius
Agendae Deō grātiae: quem precor, ut mē integrum et pūrum cōnservet.
Tūtor
Utinam ex animō sīc omnēs precarentur; recipe nunc tē, ut edās merendam tuam.
Ēlocūtiō
- Praeceptor permīsit mihi exīre ... dedit mihi potestātem exeundī.
- Cōnsulere aliquem, alicui.
- Quōtusquisque nōn mentītur?
- Persuādēre alicui aliquid ... alicui prōrsus ita esse.
- Hōc mihi nōn persuādēbis.
- Dēprehendere aliquem in mendāciō.