Latine Loquor - Liber Tertius - Colloquium Trīcēsimum Sextum
Exemplum oblīviōnis.
Persōnae:
Urbānus, Vergilius.
Urbānus, Vergilius.
Urbānus
Scīn' tū, quota sit hōra?
Vergilius
Nōn certō sciō: sed videō īnstāre cēnae tempus.
Urbānus
Mē miserum! oblītus sum adīre mātrem, quae iusserat.
Vergilius
Curre, curre: opportūnē veniēs, ut cēnēs domī.
Urbānus
Rēctē monēs: eō rogātum veniam.
Vergilius
Eccum hypodidascalum.
Urbānus
Optimē adest.
Ēlocūtiō
- Aedituus nōn certō scit, quota sit hōra.
- Īnstat hōra ūndecima.
- Manus hōrologiī nōndum attigit pūnctum.
- Adīre mātrem ... cōnsulem, praetōrem.
- Īre rogātum veniam.
- Praeceptor, rogō veniam exeundī.
- Eccum hypodidascalum.
- Optimē adest, in tempore, adest ad tempus, adesse pugnae; adsum.