Latine Loquor - Liber Tertius - Colloquium Trīcēsimum Secundum
Pānis mūtuō dandus appenditur.
Persōnae:
Robertus, Alphōnsus.
Robertus, Alphōnsus.
Robertus
Restatne tibi multum pānis?
Alphōnsus
Satis, grātiā Deī.
Robertus
Vīsne mihi dare mūtuō?
Alphōnsus
Libenter.
Robertus
Sed fortasse tibi nōn sufficiet.
Alphōnsus
Sufficiet, ut spērō.
Robertus
Ad quod usque tempus?
Alphōnsus
Ad diem Veneris.
Robertus
Unde habēbis posteā?
Alphōnsus
Domō.
Robertus
Quis afferet?
Alphōnsus
Egomet ībō petītum.
Robertus
Quandō?
Alphōnsus
Ipsō diē Veneris.
Robertus
Dā mihi mūtuō sēsquilībram.
Alphōnsus
Quis appendet?
Robertus
Uxor praeceptōris, aut ancilla.
Alphōnsus
Eāmus petītum ex arcā meā.
Robertus
Quīn itō sōlus, ego tē in culīnā exspectābō.
Ēlocūtiō
- Nōn restat mātrī meae multum pānis.
- Sufficere alicui.
- Sufficit mōns alimentīs hominum.
- Ad quod usque tempus? Ad diem Veneris.
- Īre petītum aliquid ex arcā.
- Exspectāre aliquem.
- Quem hīc exspectās? Exspectō tabellārium hīc integram hōram.