Latine Loquor - Liber Tertius - Colloquium Duodētrīcēsimum
Redditur commodātum, cum excūsātiōne dīlātiōnis. Nōn dēbēmus offendī, nisi ubi Deus offenditur.
Persōnae:
Matthīās, Maurītius.
Matthīās, Maurītius.
Matthīās
Satisne ūsus es scalpellō meō?
Maurītius
Satis.
Matthīās
Redde igitur.
Maurītius
Accipe, agō tibi grātiās.
Matthīās
Nihil est quod agās.
Maurītius
Sed ignōsce, quod nōn ultrō et citius reddiderim.
Matthīās
Eā dē rē nihil sum offēnsus. Nōn enim dēbēmus offendī, nisi cum Deum offendī vidēmus.
Maurītius
Rēctē sentīs.
Ēlocūtiō
- Theobaldus nōndum satis ūsus est scalpellō tuō.
- Nihil est, quod agās grātiās.
- Ignōsce mihi, quod nōn ultrō et citius reddiderim tibi librum.
- Offendere aliquem, commovēre, conturbāre, movēre alicui bilem.
- Offendī aliquā rē.
- Deus graviter offenditur peccātīs.
- Sī quā offēnsiūncula facta est animī tuī.
- Pergrāviter offēnsum esse.
- Nēminem umquam nōn rē, nōn verbō, nōn vultū dēnique offendit.