Latine Loquor - Liber Tertius - Colloquium Sextum Decimum
Stephānum in cubiculum euntem ōrat Simōn, ut sibi afferat cingulum.
Persōnae:
Simōn, Stephanus.
Simōn, Stephanus.
Simōn
Quō ascendis?
Stephanus
In cubiculum nostrum.
Simōn
Quid eō?
Stephanus
Petītum thēcam scrīptōriam.
Simōn
Affer mihi cingulum eādem operā.
Stephanus
Ubi est?
Simōn
Super arcam meam.
Stephanus
Afferam: sed tū mē hīc exspectā.
Simōn
Nusquam moveō.
Ēlocūtiō
- Ascendere in cubiculum.
- Ascendere equum vel in equum. Ut dēsint vīrēs, tamen est laudanda voluntās.
- Ascendere caelum ... mūrum.
- Māgnō opere tē hortor.