Latine Loquor - Liber Secundus - Colloquium Quīnquāgēsimum Prīmum
Invītātiō ad animum relaxandum. Corporis exercitātiō cōnfert valētūdinī.
Persōnae:
Odilō, Paulus.
Odilō, Paulus.
Odilō
Vīsne venīre mēcum?
Paulus
Quō properās?
Odilō
Ad lacum.
Paulus
Quid eō?
Odilō
Lōtum pedēs.
Paulus
Ī, sānē, nunc lōtiōne mihi opus nōn est.
Odilō
Sed interim paulum fābulābimur.
Paulus
Nē fābulārī quidem nunc velim.
Odilō
Atquī ūtilis est cōnfābulātiō, modo agat dē honestīs rēbus.
Paulus
At mihi ūtilior est ad valētūdinem exercitātiō corporis.
Odilō
Quid sī mānserō tēcum?
Paulus
Prūdenter faciēs: et nōs pilā manuālī collūdēmus.
Odilō
Bene vertat Deus, maneō.
Paulus
Aliās lōtum ūnā tēcum ībō: cum scīlicet longius erit temporis spatium.
Odilō
Ad lūdum igitur nōs accingāmus.
Paulus
Nūlla est in mē mora.
Ēlocūtiō
- Venī mēcum. Latrūnculīs lūdere vel proelia latrōnum lūdere.
- Quō properās? Ad lacum, lōtum pedēs meōs.
- Nōn opus est Petrō lōtiōne.
- Opus est hominibus vīctū et amīctū.
- Cōnfābulārī dē rēbus honestīs.
- Exercitātiō corporis ūtilis est ad valētūdinem.
- Collūdere pilā manuālī.
- Post prandium exercēbō mē pilā manuālī.
- Excipere pilam ... repellere pilam ... remittere pilam.
- Deus bene vertat.
- Cum longius erit mihi temporis spatium, ībō tēcum.
- Accingere sē ad iter ... ad lūdum.
- Accingere sē operī, ad rem aliquam.