Latine Loquor - Liber Secundus - Colloquium Trīcēsimum Sextum
Cultellus datur commodātō, sed aegrē.
Persōnae:
Stephanus, Theodōrus.
Stephanus, Theodōrus.
Stephanus
Commoda mihi parumper cultellum tuum.
Theodōrus
Semper aliquid commodātō petis: accipe, quīn tū eme potius.
Stephanus
Nōn habeō pecūniam.
Theodōrus
Cūr nōn petis?
Stephanus
Unde petam?
Theodōrus
Ā patre.
Stephanus
Nōn est in hāc urbe.
Theodōrus
Ubi igitur?
Stephanus
Peregre profectus est.
Theodōrus
Quō?
Stephanus
Bernam.
Theodōrus
Quō diē?
Stephanus
Nūdius tertius.
Theodōrus
Quandō revertētur?
Stephanus
Crās, ut spērāmus: sīc enim dīxit proficīscēns.
Theodōrus
Bene vertat Deus.
Ēlocūtiō
- Petere commodātō, rogāre commodātō, accipere commodātum.
- Dare mūtuō i.e. cum nōn eadem, sed alia eiusdem generis et pretiī redduntur.
- Argentum quaerit mūtuō; mūtuam quaerit pecūniam.
- Pater nōn est in urbe, sed profectus est rūs.
- Quō vīcīnus tuus profectus est? Bernam, Basilēam, Lutētiam Parīsiōrum, Venetiās, in Silēsiam, in Italiam.
- Quandō vitricus tuus revertit?
- Futūrō diē sōlis, lūnae, Mārtis, Mercuriī, Iovis, Veneris, Sāturnī.
- Deus bene vertat; Deus faveat tuīs cōnātibus, Deus hōc tibi fortūnet ...