Latine Loquor - Liber Secundus - Colloquium Trīcēsimum Quīntum
Scalpellum commodātō petitur, datur, sed additā condiciōne. Quī commodum accipit, nōn dēbet abūtī commodātō.
Persōnae:
Rōmānus, Silvērius.
Rōmānus, Silvērius.
Rōmānus
Habēsne scalpellum?
Silvērius
Habeō.
Rōmānus
Ōrō tē, commoda mihi parumper.
Silvērius
Quandō reddēs?
Rōmānus
Cum prīmum duōs lapidēs (scriptōriōs) exacuerō.
Silvērius
Accipe, sed eā lēge, ut integrum reddās.
Rōmānus
Eā condiciōne acceptum intellegō: ētiamsī nōn addidissēs.
Silvērius
Intellegentī, ut vulgō dīcitur, pauca sufficiunt.
Ēlocūtiō
- Commodāre alicui aliquid.
- Reddere mūtuum.
- Cui dedistī chartam mūtuam? Petrō.
- Exacuere lapidem.
- Eā lēge, eā condiciōne, accipiō ... hōc pactō.
- Intellegentī pauca sufficiunt.