Latine Loquor - Liber Secundus - Colloquium Vīcēsimum
Excūsātur cuiusdam in līgnīs struendīs occupātiō, quod ad scholam nōn veniat.
Persōnae:
Albertus, Bernardus.
Albertus, Bernardus.
Albertus
Cūr nōn vēnit Petrus in scholam?
Bernardus
Est occupātus.
Albertus
In quō negōtiō?
Bernardus
In līgnō struendō.
Albertus
Quī scīs?
Bernardus
Dictum est mihi.
Albertus
Ā quō?
Bernardus
Ā patre eius.
Albertus
Ubi eum vīdistī?
Bernardus
Fuit mihi obvius, cum venīrem.
Albertus
Vidē, nē mentiāris: nam ex illō quaeram, sī forte occurrat mihi per vīcōs.
Bernardus
Reperiēs sīc ut dīcō.
Ēlocūtiō
- Petrus propter negōtia domestica (quia occupātus est) nōn potest venīre in scholam.
- Occupātus est dispōnendō ligna vel in līgnīs dispōnendīs.
- Struere ligna.
- Dictum est mihi ā patre tuō ... audīvī ex patre tuō.
- Paedagōgus tuus fuit mihi obvius ... vēnit mihi obviam.
- Venīre mediā nocte, sub vesperam, appetente nocte, summō māne, merīdiē, ā prandiō.
- Vidē nē mentiāris ... haec omnia mentīta et falsa sunt.
- Mentīrī nōn est meum.
- Certāre mentiendō ... certātim mentīrī ... mentīrī in aliquem.
- Pāscere aliquem mendāciīs ... mentīrī alicuī.
- Quaerere aliquid ex aliquō ... quaerere aliquem.
- Occurrere alicuī per vīcōs.
- Reperī, ut dīxistī.