Latine Loquor - Liber Prīmus - Colloquium Tertium
Īdem cum proximō superiōre.
Persōnae:
Eduārdus, Franciscus.
Eduārdus, Franciscus.
Eduārdus
Vīsne mēcum repetere praelēctiōnem?
Franciscus
Volō.
Eduārdus
Tenēsne?
Franciscus
Nōn satis rēctē fortasse.
Eduārdus
Age, faciāmus perīculum.
Franciscus
Quid igitur expectāmus?
Eduārdus
Ubī vīs. Incipe.
Franciscus
Atquī tuum est potius incipere.
Eduārdus
Quid ita?
Franciscus
Quia invītāstī mē.
Eduārdus
Aequum dīcis, attende igitur.
Franciscus
Istīc sum.
Ēlocūtiō
- Nōn satis rēctē teneō praelēctiōnem.
- Facere perīculum.
- Exspectāre aliquem ... patrem, frātrem, mātrem.
- Incipe ubī vīs.
- Tuum est incipere.
- Tuum est, ad tē spectat, tuī est officiī.
- Invītāre aliquem: ad nūptiās, ad prandium, ad cēnam.
- Aequum dīcere.
- Attende quid dictūrus sim.
- Attentus in aliquā rē.
- Attendere ad aliquid.