Latine Loquor - Liber Prīmus - Colloquium Duodecimum
Adiectīvī tertiae dēclīnātiōnis repetītiō.
Persōnae:
Eudoxus, Frīderīcus.
Eudoxus, Frīderīcus.
Eudoxus
Vīsne repetere mēcum?
Frīderīcus
Cūr tam citō?
Eudoxus
Nē observātor nōs dēprehendat garriēntēs aut ōtiōsōs.
Frīderīcus
Age, repetāmus: sed uter incipiet?
Eudoxus
Ego, quia victor sum.
Frīderīcus
Dīc igitur.
Eudoxus
Nōmen adiectīvum prūdēns sīc dēclīnātur in genera. Hic prūdēns g.m., haec prūdēns g.f., hoc prūdēns g.n. Īdem nōmen sīc dēclīnātur in cāsūs:Nōmināt. hic haec hoc prūdēns
Gen. huius huius huius prūdentis
Dat. huic huic huic prūdentī
Acc. hunc hanc prūdentem hoc prūdēns
Abl. hōc hāc hōc prūdentī
Ēlocūtiō
- Repetenda est mihi tēcum catechēsis ... vel grammatica.
- Repetenda est mihi tēcum catechēsis.
- Observātor dēprehendit discipulōs ōtiōsōs et garriēntēs.
- Uter incipiet? Neuter nostrum ... Minor frātrum.