Latine Loquor - Liber Quārtus - Colloquium Septimum
Discipulī ā lūsū revōcantur.
Persōnae:
Repetītor, Claudius et Clēmēns discipulī.
Repetītor, Claudius et Clēmēns discipulī.
Repetītor
Heus iuvenēs, heus, heus!
Claudius
Quid clāmitās?
Repetītor
Dēsistendum est ā lūsū.
Claudius
Ehō, ineptē, nōndum quārta exācta est.
Repetītor
Immō ferē sēmihōra post quārtam.
Clēmēns
Cūr nōn dedistī signum?
Repetītor
Quia tintinnābulī fūnis frāctus est...
Clēmēns
Clāmā iterum, sed attolle vōcem.
Repetītor
Heus iuvenēs, recipite vōs omnēs. Festīnāte, festīnāte, inquam; urget praeceptor.
Claudius
Dēsine clāmāre: accurrunt omnēs.
Ēlocūtiō
- Dēsistere ā sententiā suā.
- Dēsistendum est ā lūsū, quārta exācta est.
- Fūnis tintinnābulī frāctus est.
- Recipite vōs in auditōrium.
- Dēsinere in aliquid.
- Dēsinere clāmāre.