Latine Loquor - Liber Quārtus - Colloquium Quīnquāgēsimum Quārtum
Praeceptor docēns revocātur ex auditōriō.
Persōnae:
Arnoldus, Praeceptor, Discipulī.
Arnoldus, Praeceptor, Discipulī.
Arnoldus
Praeceptor!
Praeceptor
Hem, quid est?
Arnoldus
Sunt quīdam, quī tē conventum volunt.
Praeceptor
Ubi sunt?
Arnoldus
Tē exspectant in vīcō.
Praeceptor
Nunc adībō.
Arnoldus
Atquī urgent.
Praeceptor
Praecurre tū, et eōs intrōmitte in āream: ego tē sequar. Vōs interim exspectāte cum silentiō, mox ego aderō, ut vōs ad cēnam dīmittam.
Discipulī
Ō quam bonum verbum!
Ēlocūtiō
- Quīdam tē conventum vult.
- Convenīre alicui reī.
- Convenīre aliquem.
- Praecurrere alicui, vel, aliquem ... aetāte aliquem ... adventum alicuius.
- Lingua mentem praecurrit.
- Intrōmittere aliquem in aedēs.
- Exspectāte mē cum silentiō.
- Dīmittere aliquem cum bonā pāce ... uxōrem ē mātrimōniō ... ōsculō aliquem.
- Dīmitte mē, fac mē missum.
- Mīlitēs dīmittere.
FĪNIS LIBRĪ QUĀRTĪ