Latine Loquor - Liber Tertius - Colloquium Quīnquāgēsimum Prīmum
Interrogātiūncula dē acceptīs litterīs.
Persōnae:
Robertus, Raimundus.
Robertus, Raimundus.
Robertus
Quid legis?
Raimundus
Litterās.
Robertus
Ā quō acceptās?
Raimundus
Ā patre.
Robertus
Quandō accēpistī?
Raimundus
Herī vespere.
Robertus
Quis attulit?
Raimundus
Nesciō.
Robertus
Nescīs? quis tibi reddidit eās?
Raimundus
Ancilla quaedam ā caupōne.
Robertus
Unde sunt datae?
Raimundus
Lutētiā, crēdō.
Robertus
Quō diē?
Raimundus
Nōndum licuit īnspicere.
Robertus
Nempe ego tē interpellāvī.
Raimundus
Paulum refert: nōn adeō sum occupātus.
Robertus
Age, perlege tuam epistulam: ego quoque mox īdem faciam.
Ēlocūtiō
- Reddere litterās alicui.
- Litterae datae sunt, scrīptae, Līpsiae.
- Nōndum licuit mihi īnspicere litterās.
- Tabellārius mihi epistulam tuam nōn reddidit locō et tempore.
FĪNIS LIBRĪ TERTIĪ