Latine Loquor - Liber Tertius - Colloquium Quadrāgēsimum Septimum
Interrogātiūncula dē profectū ad locum et reditū ex locō.
Persōnae:
Paulus, Ioannēs.
Paulus, Ioannēs.
Paulus
Estne domī frāter tuus?
Ioannēs
Cūr istud rogās?
Paulus
Pater meus voluit eum convenīre.
Ioannēs
Nōn est in hāc urbe.
Paulus
Ubi igitur?
Ioannēs
Peregre profectus est.
Paulus
Quandō?
Ioannēs
Nūdius tertius.
Paulus
Quōnam iit?
Ioannēs
Lutētiam.
Paulus
Quā iter factūrus est?
Ioannēs
Lugdūnō.
Paulus
Utrum pedēs an eques iit?
Ioannēs
Iit equō.
Paulus
Quandō redibit?
Ioannēs
Nesciō.
Paulus
Sed quem diem cōnstituit illī pater?
Ioannēs
Iussit, ut hīc adesset ad vīcēsimum huius mēnsis diem.
Paulus
Dūcat illum Deus, ac redūcat!
Ioannēs
Ita precor.
Ēlocūtiō
- Convenīre aliquem.
- Proficīscī peregre.
- Quā iter factūrus est?
- Dīc, quā sit iter?
- Abiit eques, vel, equō.
- Rediit pedēs, autocīnētō, birotā automātāriā.
- Quōnam īs? ... quō dēstīnāstī iter? ... quō tendis? ... quōnam tibi iter est?
- Petō domum, rūs. Concēdō Lugdūnum.
- Quem pater tuus sibi cōnstituit diem reditūs?
- Pater iussit, ut adessem; iussit mē adesse; ad diem vīcēsimum Octōbris.