Latine Loquor - Liber Tertius - Colloquium Ūndecimum
Mārcus officium petit ā Methodiō: hic occupātiōnem causātus bellē dēnegat. Alter nōn urget ulterius. Exemplum modestiae, tum in petendō, tum in dēnegandō.
Persōnae:
Mārcus, Methodius.
Mārcus, Methodius.
Mārcus
Vīsne mihi dēscrībere praelēctiōnem?
Methodius
Cūr nōn habēs?
Mārcus
Quia herī fuī occupātus.
Methodius
Accipe meum librum et dēscrībe.
Mārcus
Nōn ignōrās mē lentius scrībere: et tū citius tōtum dēscrīpserīs quam ego quattuor aut quīnque versiculōs.
Methodius
Quaere tibi alium scrīptōrem: nunc ego tibi nōn possum dare operam.
Mārcus
Cūr nōn?
Methodius
Est mihi aliud negōtium, īdemque pernecessārium.
Mārcus
Nōlō tē urgēre, nec possum quidem: sed saltem commoda tuum librum chartāceum.
Methodius
Accipe: ūtere ut libet, modo nē abūtāre.
Mārcus
Nihil est, quod vereāris.
Ēlocūtiō
- Dēscrībere alicui aliquid; ascrībere.
- Occupātum esse in rē aliquā.
- Occupātus est in struendō lignō.
- Scrībere lentius, manū suā ... raptim, tumultuante calamō, festīnante calamō, citō.
- Dare operam alicui ... subvenīre, opem ferre, auxiliō esse, adiūmentō esse, subsidiō venīre alicui.
- Est mihi aliud negōtium, īdemque pernecessārium.
- Urgēre aliquem.
- Nihil est, quod vereāris.
- Vereor, nē mihi suscēnseat.
- Vereor, ut possim.