Latine Loquor - Liber Secundus - Colloquium Ūndēquadrāgēsimum
Arnulphus ā Bernārdō pennam commodātō petītam accipit.
Persōnae:
Arnulphus, Bernārdus.
Arnulphus, Bernārdus.
Arnulphus
Vīsne mihi dare ūnam pennam?
Bernārdus
Nōn sīc dantur mihi.
Arnulphus
Hem! rem tantillam mihi negās? Quid sī magnum quid rogārem?
Bernārdus
Fortasse repulsam ferrēs.
Arnulphus
Crēdō equidem: age nōn petō dōnō; saltem commodābis.
Bernārdus
Nōn recūsō; modo nē abūtāre.
Arnulphus
Nōn abūtar.
Bernārdus
Cavē hinc pedem moveās.
Arnulphus
Nusquam moveō.
Ēlocūtiō
- Nōn sīc datur mihi charta bibula, emporetica.
- Negās mihi rem tantillam.
- Dēnegāre alicui aliquid.
- Rogās magnum aliquid.
- Ferre repulsam.
- Nōn petō dōnō.
- Abūtī pennā, occāsiōne.
- Cavē hinc pedem moveās.
- Cavē tibi ab illō; cavē illum, cavē vitia, perīcula.