Colloquia Scholastica - Liber Secundus - Colloquium Secundum

Quō in statū sunt rēs vestrae Lugdūnēnsēs?

Nesciō; iamprīdem nihil audīvimus.

Nihilne scrīpsit frāter tuus?

Post mēnsēs duōs nihil līterārum mīsit, quod vīderit pater.

Fortasse aegrōtat.

Minimē vērō: nam tabellāriī saepe nōbīs salūtem nūnciant verbīs eius.

Libenter audiō illum rēctē valēre: valdē enim dīligō, quia fuit mihi suāvissimus condiscipulus.

Ille (ut opīnor) tē vicissim dīligit.

Id vērō mihi nōn est dubium. Sed nōs hōra vocat; eāmus in audītōrium.

Mātūrēmus. Iam recitātur catalogus.