colloquia Herbipolensia - Capitulum tertium
Petrus Popo. Colloquia de Scholis Herbipolensibus. Dr. Georg Schepss. Wuerzburg. A. Stuber's
Buch und Kunsthandlung. 1882. Source: Stoa.org
https://web.archive.org/web/20160220011537/http:/www.stoa.org/hopper/text.jsp?doc=Stoa:text:2003.02.0011
This version created by Meagan Ayer for Dickinson College Commentaries, 2024.
Petrus Popo. Colloquia dē Scholīs Herbipolensibus.
Petrus Popo. Colloquia dē Scholīs Herbipolensibus.
Persōnae
Clōdius, Praeceptor
Clōdius, Praeceptor
Clōdius
Salvē, praeceptor hūmānissimē!
Praeceptor
Grātēs agō, mī adolēscēns !
Clōdius
Doctissimē praeceptor ac vir excellentissimē, vōs humilī ōrātum faciō precātū: mē in
numerum vestrōrum discipulōrum suscipere dignēminī.
Praeceptor
Mī adolēscēns, quō nōmine appellandus venīs?
Clōdius
Clōdius.
Praeceptor
Quō animō hūc profectus sīs dicās, aut ad quid vēnistī?
Clōdius
Ad studium.
Praeceptor
Quārum rērum?
Clōdius
Ad studium bonārum artium.
Praeceptor
Quās artēs bonās appellās, mī Clōdī?
Clōdius
Septēnās artēs, quās nostrī līberālēs appellant.
Praeceptor
Cui dās operam ?
Clōdius
Grammaticae atque logicaeoperam inpendō meam.
Praeceptor
Illās ipsās in nostrō lūdō comperiēs.
Clōdius
Sīc ā Mārcō huiusce lūdī discipulō accēperim.
Praeceptor
Vīs, Clōdī, omnem tuam cūram atque industriam studiō trādere?
Clōdius
Optimē praeceptor, volō.
Praeceptor
Vīs mandātīs meīs ac meōrum, quibus tē commīserim, locātōrum tuā sponte obtemperāre?
Clōdius
Volō.
Praeceptor
In lūdō puerōrum, in chorō et regiōnibus nostrae urbis prīmātibus et mihi meīsque
substitūtīs condignam exhibēre reverentiam?
Clōdius
Exhibēbō, ut adolēscentem decet.
Praeceptor
Nostrōs quoque virōs hūmānissimōs, quī sacerdōtālī diadēmate fulcītī sunt, honōre afficere?
Clōdius
Hōs quō afficiam honōre?
Praeceptor
Humilitātē dīcō, capitis dēnūdātiōne, genua quoque incurvanda sunt nōnnunquam.
Clōdius
Faciam, mī praeceptor.
Praeceptor
Vāde igitur, mī Clōdī, et quae tibi diēs noctēsque praecipiam, tam doctrīnae quam mōrum
gravitāte audiēs executiōnīque mandābis; dehinc tibi persuādeās discipulum tē mihi
carissimum fore.
Clōdius
Faciam plūrimumque valēre vestram exoptō reverentiam.