Paedalogia - Dialogus Vīcēsimus
Hippolytus et Clētus dē frīgōris iniūriā queruntur.
Persōnae
Hippolytus, Clētus
Hippolytus, Clētus
Hippolytus
Ō quam sunt fēlīcēs, quibus per opēs iam licet domī ad camīnum aut calefactum tabernāculum adsidēre!
Clētus
Ē dīversō quam nōs īnfēlīcēs, quī miserī nūllīs pellibus, immō nūllīs paene vestibus adversum frīgōris
iniūriam armātī per mediōs imbrēs, nivēs et glaciem ōstiātim quaerere vīctum cōgimur! Sed sōlātur mē illud
Flaccī:
Quī cupit optātam cursū contingere mētam,
Multa tulit fēcitque puer, sūdāvit et alsit,
Abstinuit Venere et Bacchō, quī Pȳthia cantat...
Aliōquī, sī similis esset exitus illōrum et noster, nōn esset, cūr nōn iniūrium Deum dīcerem, quī tam inīquē
rēs hūmānās administrāret.
Multa tulit fēcitque puer, sūdāvit et alsit,
Abstinuit Venere et Bacchō, quī Pȳthia cantat...
Hippolytus
Quīn tacēs! Nē quid ferōcius in Deum effūtiās!