Colloquia Scholastica - Liber Tertius - Colloquium Vicesimum Tertium
Persōnae:
Eusebius, Praeceptor
Eusebius, Praeceptor
Eusebius
Praeceptor, vīsne mihi mūtuō dare aliquantulum pecūniae?
Praeceptor
Quid opus est tibi pecūnia.
Eusebius
Ut Sylviō satisfaciam.
Praeceptor
Quantum dēbēs illī?
Eusebius
Assem cum sēmisse.
Praeceptor
Quō nōmine?
Eusebius
Quia scrīpsit mihi aliquot colloquia.
Praeceptor
Ostende.
Eusebius
Vidē, sī placet.
Praeceptor
Adī hypodidascalum, dīc ut det quantum petis.
Eusebius
Grātiās agō, praeceptor.
Praeceptor
Nōn est quod agās; sed refer in cōdicem tuum.
Eusebius
Quīn iam retulī.
Praeceptor
Factum bene, ostende ipsī hypodidascalō.