Colloquia Scholastica - Liber Tertius - Colloquium Vicesimum Septimum

Praeceptor, licetne nōbīs prōdīre?

Estisne multī quī prōdīre vultis?

Fermē omnēs.

Quid hoc sibi vult?

Est hodiē mercātus; inde fit, ut ferē sibi quisque velit aliquid emere.

Nunc ego sum occupātior, quam ut singulōrum prōdeundī causam possim cognōscere; adite igitur subdoctōrem, quī cognōscat; et sī vacat, vōs dēdūcat ipse.

Grātiās agimus, praeceptor hūmānissimē.