Colloquia Scholastica - Liber Tertius - Colloquium Unum et Quadragesimum
Persōnae:
Magister, Caperonus
Magister, Caperonus
Magister
Heus! Caperōne.
Caperonus
Hem! praeceptor.
Magister
Quid fīet frāter tuus?
Caperonus
Aegrōtat.
Magister
Quī scīs?
Caperonus
Satis appāret.
Magister
Quō signō?
Caperonus
Quia vomuit.
Magister
Quid illī dolet?
Caperonus
Caput et stomachus, ut dīcit.
Magister
Cūr nōn recēpit sē domum?
Caperonus
Nōn ausus est.
Magister
Tū vērō nōn audēbās mē admonēre? Age, dūc illum tū ipse domum usque, et
mātrī nārrā dīligenter ut ille sē habeat. Properā, quid cessās? dūc eum
lentō gradū.
Caperonus
Dūcam, praeceptor.