Colloquia Scholastica - Liber Tertius - Colloquium Undecimum
Persōnae:
Bargius, Praeceptor
Bargius, Praeceptor
Bargius
Praeceptor, accersor ā patre.
Praeceptor
Ubī is est?
Bargius
In dīversōriō.
Praeceptor
Quandō vēnit?
Bargius
Advēnit modo.
Praeceptor
Quis tibi tam citō nūntiāvit?
Bargius
Mīsit ad mē famulum.
Praeceptor
Ubī est?
Bargius
Prae foribus mē expectat.
Praeceptor
Cūr illum nōn intrōmīsistī?
Bargius
Nōluit intrāre.
Praeceptor
Quid ita?
Bargius
Quia (ut ait) festīnātiōne urgētur.
Praeceptor
Vocā illum, ut paucīs conveniam, deinde abī: sed cūrā ut quam prīmum hūc
adsīs.
Bargius
Ēō vocātum.