Colloquia Scholastica - Liber Tertius - Colloquium Tricesimum Septimum
Persōnae:
Blundērius, Hypodidascalus
Blundērius, Hypodidascalus
Hypodidascalus
Quid vīs?
Blundērius
Licetne mihi īre domum?
Hypodidascalus
Cut ante hōram?
Blundērius
Pater iussit ut nunc adīrem.
Hypodidascalus
Quid eget opera tua?
Blundērius
Vult mē in vīllam mittere.
Hypodidascalus
Quid eō?
Blundērius
Petītum ūvās, et eadem opera nūntiātum aliquid villicō nostrō.
Hypodidascalus
Quid sī fallis?
Blundērius
Adferam testimōnium, ut soleō.
Hypodidascalus
Quandō redībis?
Blundērius
Horā prīmā, ut spērō.
Hypodidascalus
Quī tam citō?
Blundērius
Vīlla nostra nōn longē hinc est.
Hypodidascalus
Ītō sānē.