Colloquia Scholastica - Liber Tertius - Colloquium Tricesimum
Persōnae:
Carbōnārius, Praeceptor
Carbōnārius, Praeceptor
Carbōnārius
Licetne exīre?
Praeceptor
Quō?
Carbōnārius
Ad Sartōrem.
Praeceptor
Quid eō?
Carbōnārius
Ut mihi tunicam faciendam mētiātur.
Praeceptor
Quae tibi est māteria?
Carbōnārius
Niger pannus.
Praeceptor
Ubī est?
Carbōnārius
In arcā meā.
Praeceptor
Sartor autem quis tibi est?
Carbōnārius
Petrus Sylvius.
Praeceptor
Estne perītus artifex?
Carbōnārius
Sīc audīvī; et est nōtus patrī meō, quī iussit, ut illum adīrem.
Praeceptor
Ubī habitat?
Carbōnārius
In vīcō Xenodochīī.
Praeceptor
Nōn nimis longē est; cavē discurrās.
Carbōnārius
Cavēbō.
Praeceptor
Facile ā mē veniam impetrant, quī nunquam fallunt.
Carbōnārius
Āvertat Deus ut unquam fallam.