Colloquia Scholastica - Liber Tertius - Colloquium Tertium
Persōnae:
Nathaniēl, famulus, Magister
Nathaniēl, famulus, Magister
Nathaniēl
Magister, nēmō est quī doceat in sextā classe.
Magister
Quid hoc reī est? ubi est Magister Philippus?
Nathaniēl
Morbō dētinētur in lectō.
Magister
Quī scīs?
Nathaniēl
Nūntiāvit quīdam ex discipulīs eius domesticīs.
Magister
Dīc hypodidascalō meō.
Nathaniēl
Nōn est in mūsaeolō suō.
Magister
Quī scīs?
Nathaniēl
Nam ego ter aut quater pulsāvī ōstium.
Magister
Dīc prīmae classis doctōrī, ut mittat ē suīs aliquem.
Nathaniēl
Quid sī nōlit mittere?
Magister
Abī ineptē, an putās eum esse tam imprūdentem ut recūset? Abī, properā.