Colloquia Scholastica - Liber Tertius - Colloquium Septimum

Licetne, Magister, ut ego et patruēlis eāmus domum?

Quid eō?

Ad nūptiās cōnsōbrīnae.

Quandō est nūptūra?

Crāstinō diē.

Cūr tam citō vultis īre?

Ut mūtēmus vestīmenta.

Per mē licet eātis: hāc tamen lege, ut crās hūc redeātis cubitum.

Quid sī volet patruus ut expectēmus nepotia?

nōn dētinēbit vōs, satis sciō, dummodo dicātis eī quā lēge dīmīserim.

Vērum fatēbimur.

Ābīte, et ab omnī cavēte intemperantiā; faciteque ‘ut lūceat lūx vestra cōram hominibus, ut glōrificētur, vester ille coelestis Pater’.

Ita quidem spērāmus fore, ipsō nōs in omnibus adiuvante.