Colloquia Scholastica - Liber Tertius - Colloquium Primum
Colloquiōrum Scholasticōrum Liber III
Admonitiō
Cui īnsunt Magistrī Colloquia cum Discipulīs. Haec puerīs ita legenda erunt, ut ex duōbus legentibus ūnus Discipulum, alter Praeceptōrem agat.
Admonitiō
Cui īnsunt Magistrī Colloquia cum Discipulīs. Haec puerīs ita legenda erunt, ut ex duōbus legentibus ūnus Discipulum, alter Praeceptōrem agat.
Persōnae:
Ūnus ex Discipulīs, Praeceptor
Ūnus ex Discipulīs, Praeceptor
Ūnus ex Discipulīs
Salvē, Praeceptor.
Praeceptor
Salvē per Iēsum Chrīstum. An Surrēxērunt omnēs?
Ūnus ex Discipulīs
Omnēs praeter parvulōs.
Praeceptor
Nunquis aegrōtat?
Ūnus ex Discipulīs
Nēmō, grātia Deō.
Praeceptor
Quid agitur?
Ūnus ex Discipulīs
Āliī sē induunt, aliī iam student gnāviter.
Praeceptor
Adestne vōbīs hypodidascalus?
Ūnus ex Discipulīs
Iamdūdum.
Praeceptor
Ite igitur precātum, vōsque dīligenter commendāte Dominō Deō per Iēsum
Chrīstum, dēprecātōrem nostrum; deinde pergite in studiīs vestrīs, usque
ad hōram ientāculī.
Ūnus ex Discipulīs
Ita solēmus, Praeceptor.
Praeceptor
Crēdō equidem; sed quia ferē somnīculōsī estis ac negligentēs, idcircō ego
vōs admoneō saepius.
Ūnus ex Discipulīs
Grātiam habēmus, Praeceptor hūmānissimē. Nunquid vīs praetereā?
Praeceptor
Dīc famulō, ut togam adferat.