Colloquia Scholastica - Liber Tertius - Colloquium Octavum

Licetne exīre, Magister?

Quae tibi est exeundī causa?

Ut quaeram in forō aliquem ex nostrātibus.

Quid istud opus est?

Mandāre illī volō, ut meōs admoneat dē pāne mihi aut adserendō, aut mittendō.

‘ubi pānis dēficit, omnia sunt illīc vēnālia.’

Istud vulgātum est apud nōs prōverbium.

Īmō ubīque pervulgātum, adeō pānis mortālium vītae est necessārius. Sed ad rem: tū nunc prōdīre vīs?

Sī tibi placet, Magister, meī negōtiī occāsiōnem āmittam.

Abī, et festīnā ante prandium redīre.

Dabō equidem operam.