Colloquia Scholastica - Liber Tertius - Colloquium Nonum

Licetne mihi exīre ūnā cum frātre?

Quid causae est?

Ut māter emat nōbīs calceōs; deinde ut tōnsōrem adeāmus.

Quid eō?

Resectum capillōs.

Quid nunc opus est?

Ut crās (sī Dominus permīserit) invīsāmus patruum.

Ite, et mātūrē redīte ad studium. Sed, heus puerī! adferte mihi ā mātre testimōnium in crāstinum diem, aut testem addūcite.

Deō iuvante, id cūrābō dīligenter. Nunquid aliud vīs, praeceptor?

Ut meīs verbīs mātrem officiōsē salūtētis.