Colloquia Scholastica - Liber Tertius - Colloquium Decimum Sextum

Praeceptor, licetne pauca?

Loquere.

Nōs duo prōpōnēbāmus, sī tibi ita vidērētur, īre, dum caeterī lūdunt, forās ambulātum.

Quō vultis exīre?

In proximā Suburbānā.

Quid autem agētis ambulantēs?

Tractābimus Colloquium aliquod.

Sed dē bonīs et honestīs rēbus.

Haec temporis serēnitās et tam pulchra terrae faciēs praebēbunt nōbīs honestum aliquod argūmentum.

Nunquam deest Deī laudanda māteria, duntaxat vērīs eius cultōribus.

Nunquam profectō; sed ut ad prōpositum revertāmur, permittis nōbīs praeceptor, extrā urbem prōdīre?

Nīsī mihi perspecta esset vestra perpetua fidēlitās, et vērus amor līterārum, nunquam permitterem; praesertim cum prāvī adolēscentēs mē saepe in hōc genere fefellerint. Vōs igitur prōdite, et mātūrē ad coenam revertiminī.