Colloquia Scholastica - Liber Tertius - Colloquium Decimum Quartum
Persōnae:
Gulielmus, Lūdīmagister
Gulielmus, Lūdīmagister
Gulielmus
Praeceptor, nōn restat mihi Charta ad scrībendum; vīsne dare cōdicem?
Lūdīmagister
Quem in ūsum?
Gulielmus
Partim ad colloquia, partim ad exemplāria.
Lūdīmagister
Retulistī in cōdicem tuum?
Gulielmus
Retulī.
Lūdīmagister
Ostende.
Gulielmus
Ecce tibi, praeceptor.
Lūdīmagister
Quid istud? Retulistī octōdecem: vīs ergō dē maiōre?
Gulielmus
Sī tibi placet.
Lūdīmagister
Pete ā famulō; ac, nē dubitet, ostende illī tuum cōdicem, ut idem in suum
referat.
Gulielmus
Audiō.
Lūdīmagister
Audī item: cavē abūtāris chartā, nē tibi pater graviter succēnseat.
Gulielmus
Faxit Deus ut bene ūtar.