Colloquia Scholastica - Liber Tertius - Colloquium Decimum
Persōnae:
Albertus, Praeceptor
Albertus, Praeceptor
Albertus
Praeceptor, licetne nōbīs īre ad Tōnsōrem?
Praeceptor
Quid eō?
Albertus
Ut capillum tondeāmus.
Praeceptor
Libenter quotīdiē exīrētis sexiēs; quīn expectāte in crāstinum diem, ut
eātis ūnā cum caeterīs.
Albertus
Atquī propter forum turba erit in tōnstrīnā.
Praeceptor
Quid tum? satis habēbitis ōtiī ad expectandum. Recipite vōs ad studium.
Albertus
Ut libet, praeceptor.