Colloquia Scholastica - Liber Secundus - Colloquium Vicesimum Tertium
Persōnae:
A., B.
A., B.
A.
Unde venīs?
B.
Ā forō.
A.
Quis tē illūc mīserat?
B.
Māter.
A.
Quid ēgistī in forō?
B.
Ēmī pyra.
A.
Nescīs nōbīs vetitum esse emere frūctūs aliquōs?
B.
Quis istud ignōrat? nam dictum est palam in aulā.
A.
Quī igitur ausus es emere pyra?
B.
Māter dederat mihi sextantem, ut mihi emerem in merendam. Quid malī fēcī,
sī paruī mātrī?