Colloquia Scholastica - Liber Secundus - Colloquium Vicesimum Quintum

Quandō reditūrus est Blasius?

Nōn certō sciō; fortasse diē crāstinō: sed cūr istud rogās?

Quia sēcum abstulit catalogum, et praeceptor īrāscētur, sī nēmō sit quī recitet.

Relinque mihi istam cūram: habeō catalogī exemplum.

Recitābis igitur?

Recitābō.

Bene faciēs, et noster Blasius referet grātiam; sīquā sē offeret occāsiō.