Colloquia Scholastica - Liber Secundus - Colloquium Vicesimum Quartum
Persōnae:
Franciscus, Dionȳsius
Franciscus, Dionȳsius
Franciscus
Ubī fuistī hīs diēbus?
Dionȳsius
Rūre.
Franciscus
Quō in locō?
Dionȳsius
In vīllā nostrā.
Franciscus
Quid agēbās illīc?
Dionȳsius
Ministrābam patrī.
Franciscus
Quid vērō ille?
Dionȳsius
Pastinābat vītēs nostrās.
Franciscus
Quandō illinc rediistī?
Dionȳsius
Heri tantum.
Franciscus
Quid pater?
Dionȳsius
Ūnā mēcum reversus est.
Franciscus
Bene factum: sed quō nunc īs?
Dionȳsius
Rēcta domum.
Franciscus
Sed quandō repetēs lūdum līterārium?
Dionȳsius
Crās, iuvante Deō, aut summum perendiē.
Franciscus
Ergō interim valē.
Dionȳsius
Et tū valē, mī Francisce.