Colloquia Scholastica - Liber Secundus - Colloquium Undequadragesimum
Persōnae:
Rublius, Lepusculus
Rublius, Lepusculus
Rublius
Quid fēcistī dē rēgulā meā?
Lepusculus
Reliquī in pergulā superiōre.
Rublius
Cūr eam relīquistī?
Lepusculus
Oblītus sum.
Rublius
Nōn rēctē factum; sed tū sīc ferē solēs, sī quid tibi fuerit commodātum.
Lepusculus
Piget mē negligentiae meae.
Rublius
Nōn satis est dolēre, nisi mōrēs mūtāre velīs.
Lepusculus
Deum precābor, ut mihi mūtāre velit.
Rublius
Sī sapis; aliōquī nēmō tibi posthāc commodāre volet.
Lepusculus
Habeō grātiam, quod mē tam amīcē monuerīs.
Rublius
Ī nunc petītum meam rēgulam; est enim eā mihi opus ad dūcendās in chartā
līneās.
Lepusculus
Nunc eō.
Rublius
Refer ad mē in cubiculum.
Lepusculus
Mox habēbis.