Colloquia Scholastica - Liber Secundus - Colloquium Tertium Decimum
Persōnae:
Isrāēl, Matthaeus
Isrāēl, Matthaeus
Isrāēl
Estne domī frāter tuus?
Matthaeus
Cūr istud rogās?
Isrāēl
Pater meus volēbat eum convenīre.
Matthaeus
Nōn est in hāc urbe.
Isrāēl
Ubī igitur?
Matthaeus
Peregrē profectus est.
Isrāēl
Quandō?
Matthaeus
Nūdiustertius.
Isrāēl
Quōnam īvit?
Matthaeus
Lutetiam.
Isrāēl
Quā iter factūrus est?
Matthaeus
Lugdūnō.
Isrāēl
Utrum pedes an eques īvit?
Matthaeus
Īvit in equō.
Isrāēl
Quandō est reditūrus?
Matthaeus
Nesciō.
Isrāēl
Sed quem terminum cōnstituit illī pater?
Matthaeus
Iussit ut hīc adesset ad vīcēsimum huius mēnsis diem.
Isrāēl
Dūcat illum Deus, ac redūcat.
Matthaeus
Ita precor.