Colloquia Scholastica - Liber Secundus - Colloquium Quinquagesimum Septimum

Hodiē pecūniam ā patre accēpī, sī tibi forte est opus.

Nihil nunc opus est mihi; sed tamen grātiam habeō maximam, quod prō tuā līberālitāte ultrō mihi offers beneficium. Quotus enim quisque id faciat?

Crēdō esse paucissimōs: tū mē tamen nōn semel beneficiīs prōvocāstī.

Adeō parva illa fuērunt, ut nōn sint commemorātiōne digna.

Nōn est parvum beneficium, quod ab optimā voluntāte profectum est.

Utinam Deī ergā nōs beneficia tam expenderēmus, quam solēmus hominum.

Faxit ille ut in eā cōgitātiōne nōs exerceāmus et saepius et dīligentius.

Illud profectō necesse est, sī volumus eius benignitātem saepius experīrī.